Сәлафиттерді елге Назарбаев әкелді – Шабдарбаев

Ұлттық қауіпсіздік комитетінің экс-төрағасы, генерал-лейтенант Амангелді Смағұлұлы Шабдарбаев YouTube-тегі Аман Тасығанның каналына берген сұхбатында солай деді.

Спикерге сұхбат барысында "ел арасында діни ағымдардың Қазақстанда жүруін Нұрсұлтан Әбішұлының өзі қалады, себебі мемлекетті басқарғанға діни ағымдардың ықпалы керек болды, деген сөздер айтылады. Бұл қаншалықты ақиқат?" деген сауал қойылды.

– Қайрат Сатыбалды мен Бекболат Тілеухан діни ағымдармен қарым-қатынасы жақсы болып, мешіттер салып, сол бағытта жұмыс істеді.

Нұрсұлтан Назарбаев ертең дауыс бергенде де бұлар бізді тыңдайды, бірдеңе боп қалса бізге көмектеседі деп ойлады. Сатыбалдының қазір қамауда отырған себебі, оның қаңтарға қатысы бар деп ойлаймын, – деп жауап берді бұл сұраққа Ұлттық қауіпсіздік комитетінің экс-төрағасы.